Iang Domba

Ditulis ku Syam Ridwan
"Lamun manéh jadi Christian Vieri anu kamari ngasupkeun 2 gol ka gul Senegal... Cik manéh nék kumaha?" Ibro nanya ka Junéd. "Ari déwék mah euy... Nék mantuan tim Maung Bandung méh teu kéok waé!" témbal Junéd. "Ari manéh Japra?" Ibro nanya ka si Japra. "Lamun déwék kawas manéhna... Jagoan maén bal, beungeut kasép, awak jalugjug jangkung... Déwék mah nék néangan pamajikan wé unggal lembur... Sugan wé atuh anak déwék anu lalaki jarago méngbal. Atuh lamun awéwé gareulis rupana indo jaradi pamaén sinetron... Tah kitu, euy!" "Ari manéh, Kardun?" "Ah déwék mah moal parna teuing ngalamun téh... Bisi gélo euy... Ieu gé mikiran hutang rantuy di unggal warung geus satengah gélo... Komo deui mikiran nu kitu, nambahan meureun jadi tilu parapat gelo..!!!" Sumber : urangsunda.net